Чувашский фольклор : Сказки и легенды : Уйӑх ҫинчи хӗр (Девушка на луне)

Пӗр хӗрарӑмӑн ама ҫури хӗрӗ пулнӑ. Ӑна вӑл тем тӗрлӗ те нушалнтарнӑ. Асап куртӑр тесе ҫур ҫӗр варринче ҫырмана шыв ӑсма кӑлара-кӑлара янӑ.

Туллии уйӑхлӑ каҫ усрав хӗр, тӑван мар амӑшӗн тискерлӗхӗпе касӑлса ҫитнӗскер, Уйӑх ҫине пӑхса ҫапла каланӑ: «Эй, туллии Уйӑх! Ют аннепе тем тер асап чӑтса пурӑниччен сан пата вӗҫсе пыраттӑм. Ил манна ху патна!»

Уйӑх ӑна чӑнах та хӑй патне илнӗ. Уйӑх ҫине тинкерсе пӑхсан икӗ витреллӗ, кӗвентеллӗ хӗр тӑнине асӑрхатпӑр.

 

Уйӑх ҫинчи хӗр // Мифсем, легендӑсем, халапсем / Е. С. Сидорова пухса хатӗрленӗ. – Шупашкар, 2004. – С.184